LEGAZPI CITY – Nairehistro kan nakalihis na semana sa syudad nin Legazpi an pinakahalangkaw na heat index ngunyan na bulan nin Marso taon 2024.
Ini an kinumpirmar sa Brigada News FM Legazpi ni Weather Forecaster Ariel Zamudio kan Philippine Atmospheric, Geophysical and Astronomical Services Administration (PAGASA) Southern Luzon Regional Services Division.
Segun saiya, nairehistro an 40 degrees Celsius na heat index kan nakalihis na Marso 7.
Kan Lunes, Marso 11, nasa 35 degrees Celsius na heat index man an nairehistro sa probinsya kan Albay kun sain nasa extreme caution an classification kaini.
Mientrastanto, kun magigirumduman, sinabi man kan PAGASA Legazpi City sa siblag na intrevista na posibleng maabot liwat kan probinsya an labi 50 degrees Celsius na heat index na nairehistro kan nakalihis na taon.
Pagirumdom ni Zamudio, pirmi sanang mag-antabay sa saindang weather advisory and updates.