Pinakaunang ALS training center gitukod sa Malungon

NAGPASALAMAT ang alkalde sa Malungon sa mga nagpaluyo aron matukod ang pinakaunang Alternative Learning System (ALS) Training Center sa ilang lugar.

Matud kang Malungon Mayor Tessa Constantino nga ang programa sa literacy dili pwede nga  usa lang ka sector ang galihok.

Busa dako niyang pasalamat sa  Department of Education (DepEd One Malungon) sa pakighiusa aron matuman ang usa sa iyang pangandoy alang sa ilang munisipyo.

Kahinumduman nga kaniadtong adlawng Martes Marso 14, 2023 opisyal ng giablihan ang nahisgutang ALS Training Center.

Ang Municipal ALS Training Center, gigahinan og budget nga P2M  gikan sa  GAD Fund sa LGU ug gidungagan sa stakeholder alang sa mga gamit ug  fixtures nga magsibing dawatan alang sa aktibidad may kalabutan sa  ALS .

Nanghinaot usab ang mayor nga padayong magtinabangay ang tanan alang sa maayong kaugmaon sa mga kabatan-unan sa ilang lugar. I Jane Alido

Photo by Malungon Information Office