Usa ka tindahan sa barangay San Isidro gilungkab sa kawatan, kwarta natangag

NAKALUSOT ang kawatan sa bangag sa aircon sa usa ka tindahan sa dalang Nuñez sakop sa Barangay San Isidro. Pagmata sayo sa buntag sa caretaker sa tindahan nakuratan nalang kini kay giingnan sa ilang suki sa tinapay nga hapit na mahulog ang ilang aircon unit sa luyo sa ilang tindahan.

Nabilin pa sa sulod ang mga tools nga gigamit sa kawatan

Sumala sa caretaker nga si Christian Villagonzalo,  24-anyos,nga alas 11 na sa gabei siya natulog human nanglaba,wala gayud daw siya naka matikod nga may nangkungkab nga kawatan.

Niadto na daw siya sa presento 4 sa sugo sa iyang amo aron magpatala sa hitabo.

Ang gideklara niini nga nawala mao ang kapin P3-K pesos nga kwarta sa ilang kaha unya ang mga sensilyo nga anaa sa kapin P2-K pesos

Ang usa ka batan-on nga alas 12 na sa gabei natulog gumikan nalingaw sa pag Tiktok nga si Jomer Momo 19-anyos,nagsulti nga may nakita siya nga usa ka lalaki alas 11 na sa gabei, nagalingkod gawas sa tindahan nga gilungkab.

Sa iyang paghulagway nakasul-ob og puti nga T-shirt ang lalaki unya naka shortpants,itumon ug payaton, wala usab siya nakaila niini

Naatol nga anaa ang City PNP Director sa  General Santos City nga si PCol Jomar Alexis Yap nagkuha og cedula sa Barangay San Isidro

Pagkahibalo niini sa hitabo iyaha dayon nga gipa adtuan sa iyang mga sakop aron ma imbestigahan.

Subay sa taho Marso 16 alas 5 sa buntag namatikdan nga adunay pagpanglungkab.

Sumala ni Col Yap nga dili ikalimod nga daghan ang wala pa kabangon gikan sa epekto sa pandemya apan panawagan  niini nga dili lang unta pagpangawat ang himuong pamaagi aron mabuhi gumikan usa kini ka kremin.

Gidugang ni Yap nga usa sa makatabang sa imbestigasyon sa pulis mao ang CCTV camera sa mga tindahan. I Ver Diazon