NAKABENIPISYO ang pipila ka mga habal habal drivers sa community pantry sa Makar PNP sayo sa buntag adlaw nga Huwebis, Mayo 6 sa kasamtangan nga tuig.
Sa paglibot sa Patrol sa 89.5 Brigada News FM GenSan kaadlawon sa adlaw nga Huwebis nasaksihan ang laing bersyon sa kapulisan sa ginatawag nga community pantry,mabasa sa tarpaulin ang Republic of the Philippines, National Police Commission, Philippine National Police,General Santos City, Police Station 2 Barangayanihan.
Ang tema “Kapulisan at pamayanan adhikaing tutungo sa iisang damayan kapatid.”
Adunay lamesa ug bangku, adunay tinapay, kape, init tubig ug disposable nga baso, aduna pay biko sa dakung kaldero.
Usa si Rafael Andrade 51- anyos nga taga Barangay Labangal ang nakabenipisyo sa gidalit sa Makar PNP sayo sa buntag, sumala kay Andrade naga pasalamat siya sa pulis ug nagpasiaw nga unta kanunay na ang painit sa buntag.
Gipangunahan usab ni Pmsg Janice Carenio, ang Police Community Relations Officer sa presento dos ilawom sa pagdumala ni PM Patrich Elma, sumala ni Carenio nga daghan ang serbisyo sa ilang programa nga lambigit ang komunidad ug usa lang ang painit sa kabuntagon. ( Ever Diazon)