NARESCUE sa mga personahe sa barangay ang mga pipila minor de edad nga gagamit og solvent sa bakanteng luna sa Pioneer Avenue, Magsaysay Avenue, Barangay Dadiangas South, GenSan.
Human nakadawat og sumbong ang barangay gikan sa tag-iya og establisimento sa lugar nga dunay mga minor de edad nga nagasimhot og solvent hinungdan sa gilayong pagkasa og operasyon. Ang na-rescue naa sa edad 12 hangtud 16-anyos, tanang sila miangkon nga nagasimhot og solvent. Butyag ni Jocel 16-anyos gagamit usab siya og solvent bag- o mosulod sa trabaho isip pick-up girl.
Samtang si alyas Richel, buntis og duha ka bulan ug bag-o lang nakagawas sa children crisis center sa barangay Fatima. Human nasikop sa kapulisan kauban ang kapuyo dungan sa operasyon batok iligal nga droga. Sa bahin ni Arnel, wala siya nagkulang sa pag-atiman sa iyang anak nga si archie 12-anyos ug gibasol sa barkada ang nahitabo sa anak.
Apela sa mga negosyante sa palibot nga aksyonan sa otoridad ang problema nila sa kabatan-onan tungod nakaapekto kini kanila, butyag ni April Lising. Panawagan sa barangay sa mga ginikanan nga bantay og maayo ang mga anak. I Richel Gubalani