Suspendido sugod karong adlawa Abril 28 hangtod sa Mayo 7 ning tuiga ang mga aktibidad sa pipila ka mga Simbahan sa syudad sa Cagayan de Oro ug Misamis Oriental homan nagpositibo sa Coronavirus Disease 2019 ang pipila ka mga pari.
Sa gipagawas nga pamahayag sa Archdiocese of Cagayan de Oro, gipasabot nga lakip sa mga simbahan nga magpatuman sa suspensyon sa mga aktibidad ang Jesus Nazareno Parish Church ug San Isidro sa barangay Gusa ning syudad.
Ingon man ang Our Lady of Candelaria sa Tagoloan, Immaculada Concepcion sa Jasaan ug Our Lady of Mt. Carmel sa Bobontugan ug Santa, Cruz sa Laguindingan, polus nasakop sa lalawigan sa Misamis Oriental. Sa kasamtangan, gipahigayon na ang dis-infection sa mga nahisgutan nga simbahan.
Subay niini, gihangyo ni Archbishop Jose Cabantan ang pagsabot sa katawhan ug mihangyo og pag-ampo alang sa mga par inga nagpositibo sa virus.
Una nang gikompirma ni Archbishop Cabantan nga siya naka-quarantine karon uban ang mga indibidwal nga kauban niya sa pagpuyo.