LEGAZPI CITY – Isasagibo liwat ngunyan na taon an Pista nin Teatrong Bikolnon sa syudad ni Legazpi magpuon Abril 2 hasta 7, kasabay man an manlain-laing workshop asin public shows na ipepresentar sa irarom kaini.
Inanunsyar ini sa Pista Press Conference kasuudma sa sarong hotel sa syudad, kun sain presente sinda DTI Representative Ma. Fatima Empig, Festival and Creative Director Sari Saysay, asin asin Albay Arts Council Djai Tanji. Sa temang “Eksprés, Amplifying Urgent Calls,” obheto kan Pista 2024 na mapresentar an lokal theater productions asin makatao nin consistent platforms para sa mga theater productions sa laog asin luwas nin rehiyon, asin maging significant home an syudad sa Philippine Theater.
Sa press conference, sinabi ni Saysay, kakaiba asin mas pinagprepararan an Pista sa 2024 kumpara kan nakalihis na taon nin huli sa naeksperyensyahang pandemya asin sa ngunyan dakol an components nin workshops asin may tiyange para masuportahan man an kapwang creatives.
Inorganisar ini nin Taragbo Bikol Regional Theater Network, na igwa nin partisipasyon hali sa nagkapirang grupo kan magkaibang organisasyon, asin tampok digdi an mga presenteng isyu sa nasyon arog nin climate change, poverty and marginalized sectors, education, health care, asin iba pa. | Brigada Intern RICHELLE ASTOR