Ginpundo it pito ka mga pribado nga ospital sa Iloilo ro andang plano nga pagbuo-e sa Philippine Health Insurance Corp. (PhilHealth) umpisa makarang buean bangud sa uwa pagbayad it andang mga claims.
Ro mga head it nasambitan nga mga ospital ag PhilHealth president ag chief executive officer nga si Atty. Dante Gierran hay naghiwat it pagpueong ku Disyembre 29 ag 31, 2021.
Base sa mga ospital, nagdesisyon sanda nga temporaryo nga i-suspende ro andang PhilHealth disengagement nga orihinal nga gintaeana ku Enero 1, 2021 ag gintaw-an ro state health insurer hasta Enero 31, 2022 para bayran ro mga claims.
Ro mga nasambitan nga ospital hay Iloilo Doctors Hospital (IDH), Iloilo Mission Hospital (IMH), Medicus Medical Center (MMC), Metro Iloilo Hospital and Medical Center (MIHMC), QualiMed Hospital (QMH), St. Paul Hospital Iloilo (SPHI), ag The Medical City Iloilo (TMCI)./JIL B. LACSON