MILINGKOD na isip bag-ong director sa Police Regional Office (PRO) 12 sa Soccsksargen region si Brigadier General Percival Augustus Placer. Gihulipan ni Placer si Brig.Gen.Jimili Macaraeg nga opisyal nang miretiro ilawom sa mandatory retirement age.
Kini dungan sa ginahimo nga turn-over ceremony sa regional headquarters sa PRO-12 sa barangay Tambler, GenSan.
Gipasalamatan usab sa PRO-12 ang pagdumala ni Macaraeg sa nahimong ‘accomplishment’ sa police force sa rehiyon sa halos duha katuig niining pagpangatungdanan gikan Agosto 20,2022 hangtud Marso 20,2024.
Gipatuman ni Macaraeg ang pagpakusog sa anti-criminality strategies batok street crimes, illegal drugs, ug pag- neutralize sa criminal group ug wanted persons sa rehiyon.
Nagpasalamat usab si Macaraeg sa 19 ka bulan niining pagserbisyo sa PRO-12.
Si Placer ang kanhi commander sa Butuan City Police Office ug nahimong director of the Philippine National Police (PNP) Peace Process and Development Center (PPDC) bag-o gituboy isip bag-ong labaw sa PRO-12. Si Placer usab ang lakip sa Philippine National Police Academy (PNPA) Tagapaglunsad class of 1993. I Richel Gubalani