Sisimulan na ang planning process sa idaraos na Balikatan exercise sa 2025
Ito’y makaraan ang tagumpay ng 39th Balikatan Exercise ngayong taon.
Sa katunayan ayon kay Balikatan Exercise Director MGen. Marvin Licudine, ngayong hapon ay sisimulan na ito.
Aasahan aniya ang mas challenging at mas complex na Balikatan 2025.
Kailangan daw kasing masubukan ang kapabilidad ng mga sundalo pagdating sa operation at integration.
Samantala, bukod sa iba’t -ibang military units, kabilang pa rin sa inaasahang lalahok sa susunod na Balikatan ang Philippine Coast Guard at Philippine National Police.
Iimbitahin din ang mga government agencies katulad ng Department of Foreign Affairs at Department of Information and Communications Technology.
Target daw kasi nilang maging Whole of Government at Whole of People Approach ang Balikatan sa susunod na taon.