GIKUMPERMA sa labaw sa City Housing and Land Management Office nga nagapadayon ang plano nga himuong ‘malllengke’ ang Gensan Public Market ug aduna nay dakung investor nga interesado pinaagi sa Private Public Partnership scheme nga kantidad og P2.3 billion ka pesos.
Sa plano nga temporaryo nga kabalhinan sa mga stall wwners, adunay nigawas nga problema, gumikan adunay 33 ka residente ang nagpuyo sa utlanan sa pribadado nga yuta ug sa Alunan.
Aminado ang usa ka residente sa alunan nga naapil sa ilang gi-ukopar ang yuta sa syudad
apan dili pa sila basta makahawa kay aduna silay kaso sa pribadong tawo kabahin sa ilang gipuy-an.
Ang pangulo sa Meat Vendors Multipurpose Cooperative nga si Toto Mosqueda dili supak sa ‘malllengke.’
Samtang ang ambulant vendors sa dalang Casquejo nga nagpadayag usab sa ilang kabalaka.
ang City Housing Office sa karon dili pa makasulti kon asa ipahiluna ang ambulant vendors ug green houses vendors.
Gipaklaro sa City Planning and Development Office nga anaa pa sa planning stage ang ‘malllengke’ ug ang arrangement ug sa mga maapektohan sa maong proyekto. I Ver Diazon