LEGAZPI CITY – Mamamatean asin mahihiling su boot kan mga Albayano kun papano mangengenot an bagong tukaw na Provincial Director kan Albay Police Provincial Office (PPO).
Segun kay PNP Bicol Regional Director PBGen. Andrei Perez Dizon, kumpyansa siya na matatawan nin seguridad asin maray na serbisyo an mga Albayano sa pagtukaw ni PCol. Julius Cubos Añonuevo komo provincial director kan PPO.
Nagtutubod si Perez na magigibo ni Añonuevo an gabos na nasa 5-point agenda kan Chief PNP asin pagtatao nin seguridad sa Maharlika Highway.
Subok naman su boot huli ta nagin kaibahan si Añonuevo sa Manila Police District asin SAF, kun sain nahiling na kun papano siya magmanehar asin magtrabaho.
Segun pa kay Dizon, kumpyansa man siya na mapapababa kaini an numero kan crime incidents sa probinsya asin mas papakusugon an maximum police visibility sa mga lugar.
Mientrastanto, kan nakalihis sanang Lunes, sinagibo an normal asin tradisyunal na turnover ceremony kay Añonuevo na salida kay dating Provincial Director Fernando Cunanan, Jr.
Pinasalamatan man ni Dizon si Cunanan sa mga akomplisimento kaini asin sa mga naikontribwer niya sa probinsya sa mga nakalihis na taon orog na sa pagmamantenir kan pace orden.
Kun marurumduman, kan nakalihis na semana, ni-relieve sa puwesto si Cunanan susog sa orden kan PNP National Headquarters.