LEGAZPI CITY – Kinumpirmar kan Police Regional Office 5 (PRO5) na buminaba sa 4.30% an krimen sa Bicol Region sa bulan nin Enero ngunyan na taon.
Sa datos kan PNP Bicol, maabot sa 1,448 na krimen an nairehistro kan nakalihis bulan sa kun saen mas hababa ini kumparar sa 1,513 na nairehistro sa kaparehong peryodo kan taon 2023.
Segun sa n PNP Bicol, nakatabang sa pagbaba kan mga nairerehistrong krimen an pagdeploy nin PNP personnel asin paglilibot kan bike patrols sa mga lugar.
Apwera pa digdi, dae su boot nawara an partnership kan PNP sa komunidad asin pakikipagtabangan sa manlain-lain na ahensya de gobyerno na ipautob an kampanya siring kan anti-illegal criminality campaigns asin iba pa.
Mientras, maabot man sa P14M na kantidad nin ilegal na droga an saindang nakumpiskar, kasabay an pagkakaarestar sa 145 na mga persona sa paagi nin 119 operations.
Dugang pa digdi, 93 operations na may kinaraman sa loose firearms an kinondusir, kun sain 26 an naarestar asin 114 manlain-laing badil an nakumpiskarr.
Segun pa sa ahensya, nasa 447 wanted persons an nadakop, 19 sa regional level, 12 sa provincial, 9 sa syudad, 52 sa munisipyo asin 355 sa iba pa.