PNP may ‘persons of interest’ na sa pagpatay sa Brigada Group executive

Kinumpirma ng Philippine National Police na mayroon na silang persons of interest kaugnay sa pamamaril-patay kay Brigada Group of Companies chief of staff Yentez Quintoy.

Sa panayam ng Brigada News FM kay General Santos City Police Director Col. Guilbert Tuzon sinabi nitong may lumutang na witness at itinuro ang isang suspek na sinasabing may kinalaman sa pamamaslang.

Bagama’t tumanggi munang pangalanan, inihayag ni Tuzon na angulong ‘personal grudge’ ang tinitingnan nilang motibo sa kremin.

Naniniwala si Tuzon na mas mabibigyang-linaw pa ang kaso sa oras na mahuli na ang posibleng suspek na ngayon ay tinutugis na nang kanilang operatiba.

Kumbinsido naman si Tuzon na malaking tulong ang P1-Million reward money na inalok ng Brigada para lumutang ang suspek at mabilis na maresolba ng kaso. (LEY BAGUIO)

Leave a Reply

Your email address will not be published. Required fields are marked *