Nagpasidaan ang Police Regional Office-10 sa katawhan batok sa online love scam ug bisan unsang klase sa scam nga gahimuon pinaagi sa mga social media platform.
Gihimo kini nga pamahayag ni PNP-Northern Mindanao Anti Cybercrime Group 10 Chief Lt. Colonel Lemuel Gonda homan nga dunay susama nga reklamo ang natala dinhe sa rehiyon.
Modus niini ang pagpangayo og mga hulagway sa pribadong bahin sa lawas nga mahimo unya nga butang aron i-pang blackmail aron magpadala sa dako nga kantidad diin kasagaran malambigit niini mga langyaw ug Pinay.
Abiso sa otoridad sa katawhan nga mas mahimong alerto ug mag-amping sa pakig-communicate sa nagkadaiyang klase sa social media platforms.