Nakipagnegosasyon na ng Philippine Olympic Committee (POC) sa bargain para sa all-in advanced training package para sa mga Pilipinong atleta na magiging kwalipikado para sa Paris 2024 Olympics.
Ayon kay POC president Rep. Abraham “Bambol” Tolentino, inaprubahan ng POC Executive Board ang advanced Paris training program para sa mga kwalipikadong atleta sa kanilang regular meeting.
Kaugnay nito, magbabayad ang POC ng 65 euros (P3,900) bawat araw para sa mga kwalipikadong atleta na magpupunta ng Paris bago ang July 26 hanggang August 11 Olympics sa 2024.
Sagot lahat ito ng POC mula agahan, tanghalian, hapunan, libreng venue, doctor, medical at sauna, at maraming iba pa.
Ang POC ay maaga sa Paris at nagpadala ng delegasyon sa pangunguna ni Tolentino, para maghanap ng training-cum-accommodation venue para sa mga Filipino athletes noong Oktubre.