Naiulat ng Portugal na wala itong naitala na COVID-related deaths sa nakalipas na 24 oras na kauna-unahang beses makalipas ang halos siyam na buwan.
Mula nang mag-umpisa ang pandemya ay nakapag-ulat ang Portugal ng 16,965 na nasawi at 834,638 infections.
Nasa 196 lang ang bilang ng mga bagong kaso ng COVID-19 sa Portugal.
Huling beses na nag-ulat ang Portugal ng zero COVID-related deaths ay noong August 3 pa.
Samantala, sinabi naman ng Portugal na tinayang nasa 20% ng 10-million na populasyon nito ang nabakunahan na ng isang dose ng COVID-19 vaccine at 7% naman ang nakatanggap na ng dalawang doses.
Mababatid na nagpatupad ang Portugal ng lockdown noong January para pigilan ang paglala ng COVID-19 surge.
Noong Marso naman ay unti-unti nang inalis ng Portugal ang mga restriksyon at mula noon ay nagawa na nitong mabuksan muli ang ilang mga paaralan, restaurant at cafe terraces, mga museums at hair salons.
![](https://i0.wp.com/brigadanews.ph/wp-content/uploads/2021/04/175671946_207135011221775_3325096377578520103_n-1-1024x1024.jpg?resize=1024%2C1024&ssl=1)
![](https://i0.wp.com/brigadanews.ph/wp-content/uploads/2021/04/176074122_205367904731819_851544397278067273_n-1-1024x1024.jpg?resize=1024%2C1024&ssl=1)
![](https://i0.wp.com/brigadanews.ph/wp-content/uploads/2021/04/176471977_209544300980846_3494880604343096622_n-1024x1024.jpg?resize=1024%2C1024&ssl=1)