GITUN-AN kapulisan kung asa sila nagkulang sa pagbantay sa seguridad, dungan sa nahitabong pagpanulis sa pawnshop sa Koronadal City.
Matud ni Police Brig. Gen. Jimili Macaraeg, regional director sa Police Regional Office (PRO) 12 ang pagtuon nila human sa insidente.
Ang aron masuta nila kung paunsa kini pugngan, pinaagi sa pagpamugna nilang bag-ong estratehiya.
Samtang, giangkon ni Macaraeg nga padayon ang gihimong imbestigasyon sa kapulisan kalabut sa nahitabong pagpanulis.
Dugang sa opisyal, sa karon wala pa’y matudlong grupo ang kapulisan nga nagpaluyo sa maong panghitabo.
Gimandu na usab sa opisyal sa mga city ug provincial director ang pagpahugot sa seguridad ug pagpakusog sa intelligence monitoring batok grupo nga lambigit sa pagpanulis. I Richel Gubalani