LEGAZPI CITY – Mahigot an pagiromdom kan Philippine Ports Authority (PPA) Bicol sa mga byahero dapit sa mga pinagbabawal na gamit sa laog nin mga pantalan.
Segun kay PPA Regional Spokesperson Achilles Galindes, magigin mahigot an mga uniformed personnel sa pagbabantay sa entrance asin sa laog mismo kan pantalan sa Bicol ngunyan na yuletide season na dakol an mauruli sa saindang mga probinsya.
Katabang su boot ninda an Philippine Coast Guard, Philippine National Police, Bureau of Fire Protection asin iba pa sa pagsasagibo nin inspeksyon sa mga bagahe kasarabay an mga pasahero.
Kabale sa mga pinagbabawal sa laog kan pantalan an mga matatarom na bagay siring kan kutsilyo, sundang pati man an badil.
Alagad an mga uniformed personnel na madara ki mga badil, kinakaipuhan su boot na magpahiling nin maninigong mga dokumento nganing tugutan ining darahon sa barko.
Siring man, kinakaipuhan man magpahiling ki mga dokumento an mga byahero kun madara nin mga paputok.
Pigsiyerto man ni Galides an kaligtasan asin seguridad kan mga pasahero tanganing makauli sinda sa saindang mga probinsya.