Presensya sa militar gipakusgan sa Davao De Oro

Gi-deploy og balik sa Davao de Oro ang 48th Infantry Battalion nga gikan sa Caraga Region ingon man dugang pwersa sa militar ngadto sa lugar kung asa init ang pag-alsa sa komunista.

Ipailawum sa operational control sa 1001st Infantry Brigade nga nakabase sa Maco, Davao de Oro ang gi-deploy nga batalyon, nagtumong pakusgan ang katakus sa militar aron dayon ng mabuntog ang mga tigpangdaot sa kalinaw sa probinsya.

Tungod sa maong lakang gi-welcome ni 1001st PAGASA Brigade Commander, Brigadier General Luis Rex Bergante ang 48IB Commander, Lieutenant Colonel Enrique Rafael sa courtesy call niadtong Abril 22, 2020.

Sumala pa ni BGEN Bergante, ang pagdugang sa mga tropa sa lugar dakong tabang sa dali nga mapanalipdan ang kagawasan, demokrasya, ug kalinaw sa rehiyon gikan sa kahadlok ug pagpahimulos sa mga Communist Terrorist Groups.

Gawas sa Davao de Oro, ang PAGASA brigade gipanalipdan usab ang bahin sa Davao del Norte, ug Agusan del Sur.

Leave a Reply

Your email address will not be published. Required fields are marked *