LEGAZPI CITY – Nahilingan ki paglangkaw an presyo kan mga bilog na prutas pirang aldaw antes an Kapaskuhan asin sa mismong aldaw nin Pasko.
Ini an sinabi ni “Noli”, fruit vendor sa Legazpi City Public Market, sa intrevista kan Brigada News FM Legazpi.
Segun saiya, laoman pa an mas halangkaw na presyo kan mga prutas pagrani kan Bagong Taon.
Saiya man na sinabi na bako pa masyadong makusog an barakalan nin prutas kan nakalihis na Pasko huli ta sa handaan nakasentro an mga tawo bako man sa mga prutas.
Igwa naman sindang pigpapabakal na prutas na nasa set asin nagkakantidad nin PHP750 kada set.
Alagad, maglangkaw pa su boot an presyo kan ini durante kan paglangkaw man kan presyo kan mga prutas kun sain posible ining abuton nin nasa PHP1,000.
Mientrastanto, segun kay Noli, an mga lokal na prutas siring kan mangosteen asin iba pang prutas na bihira mahiling an pinakamadali maubos sa saindang paninda ngunyan.