KORONADAL CITY – BUMABA ang singil sa kuryente ng South Cotabato Electric Cooperative (SOCOTECO 1) para sa electric bill sa buwan ng Nobyembre.
Inihayag ni Francis Jone Bravante, Finance Services Department In-Charge ng SOCOTECO 1 na ang pagbaba ng power rates ay bunsod ng ipinatupad na over-recoveries refund.
Ang one-time refund ay alinsunod sa ERC Resolution No.14, Series of 2022 Article 5 Section 1 C. Dahil dito, mahigit sa P 3 per kilowatt hour ang ibinaba sa presyo ng kuryente o nasa P 8.13 per kilowatt hour na lamang para sa residential.
Ang mga may konsumong 200 kilowatt hours ay makakaasa ng mahigit sa P 600 na bawas sa kanilang electric bill. Ngunit nilinaw ng SOCOTECO 1 na ito ay one-time refund lamang at posibleng bumalik na sa normal ang presyo ng kuryente sa susunod na buwan kung kayat kailangan pa rin ang patuloy na pagtitipid sa paggamit ng kuryente.
