Umabot eon sa ‘survival mode’ ro estado it mga private hospitals sa probinsya ag syudad it Iloilo bangud sa unpaid claims it Philippine Health Insurance Corporation (PhilHealth).
Base sa pamunuan it Private Hospital Association of the Philippines – Western Visayas Chapter, nagpadaea eon sanda it letter of appeal sa PhilHealth ag Department of Health (DOH).
Nagakadapat segun nga magtao it ”immediate response” ro PhilHealth bangud owa eon haeos sanda it pambakae it mga bueong ag COVID-19 supplies.
Nasayuran nga as of August 31, 2021, kapin sa P545 Million ro utang it PhilHealth sa pitong mga private hospitals sa Iloilo.
Posible man segun nga indi eon sanda magpa-miyembro sa ahensya ag pagasukton eon nanda ro mga pasyente pag abot it buean it Nobyembre kung indi pa masolusyunan ro problema. / ANN DESLENE SALAZAR