Ang Police Regional Office 7 nihimo og laing hugna sa Simultaneous Anti-Criminality Law Enforcement Operation batok sa tanang matang sa kriminalidad sa tibuok rehiyon 7 nga miresulta sa pagkasikop sa 504 ka mga indibidwal sulod lang sa duha ka adlaw.
Nagsugod ang operasyon niadtong Abril 29, natapus Abril 30 diin nakakompiskar ug 2,440.67 gramos sa ilegal nga drugas nga nagkantidad ug P16,460,556.00, uban ang pagkasikop sa 146 ka mga drug personality nga mag-atubang kaso sa paglapas sa Republic Act 9165 o Comprehensive. Dangerous Drugs Act of 2002.
Nasikop usab sa mga operasyon sa ilegal nga sugal ang 242 ka mga suspek diin nasakmit sa mga operatiba ang PhP22,553.00 nga bet money. Samtang, mokabat sa 110 ka wala rehistrado nga armas ang narekober sa loose firearm operations 14 ka mga suspek ang nasikop.
Gi-serve usab ang mga warrant nga gi-isyu sa korte ngadto sa 11 ka most wanted ug 91 ka laing wanted persons.
Ang Regional Director, PBGEN ANTHONY A ABERIN, midayeg sa iyang mga tawo alang niining talagsaong kalampusan nga nahimo sulod sa mubo nga panahon ug mimando kanila nga magpabiling walay hunong sa paggukod sa malapasong mga kriminal nga naglibot sa rehiyon.
Ang mga dinakpan anaa na karon sa mga custodial facility sa kapolisan ug mag-atubang sa tukmang kaso. Ingon usab, ang tanan nga mga ebidensya nga nakompiska gisumite sa Forensic Unit alang sa pagsusi. | Romeo Marantal