Gisugdan na og subay sa Police Regional Office XI ang listahan sa mga lugar sa rehiyon onse nga kanhing nalakip sa Election Watchlist Areas kon EWAs sa milabay nga eleksyon.
Sumala kang PRO-XI Spoksperson Police Major Eudisan Gultiano, gawas sa EWAS subayon usab ang mga lugar nga dunay bangi sa politika nga posibleng magresulta sa election-related violence.
Dugang sa opisyal nga padayon usab nga giimbentaryo sa regiuonal headquarters ang mga mga sakop nga gi-assign isip security detail mga incumbent official.
Alang usab ngadto sa mga politiko nga nag-request og security tungod sa bahad sa ilang kinabuihi, padayon kining giproseso.
Samtang nagkadool ang pagsugod sa filing sa Certificate of Candidacy kon COC karong adlawang Biyernes Oktubre 1, 2021, nakaalerto na ang hut-ong sa klapulisan sa rehiyon hangtud na sa pagsugod sa election period sa Enero 9, 2022 ug pagtapos sa piniliay.BNFM-DAVAO
