Gindayaw it Police Regional Office 6 (PRO-6) ro special week-long simultaneous anti-criminality operations nga gintawag nga “Birada Semana” halin it Marso 4 hasta it 10, dag-ong 2024.
Sa campaign hanungod sa Wanted Persons, 214 nga operasyon do nahaubra ag 214 do nadakpan. 20 sa kategoryang Most Wanted Persons (MWP) ag 194 man sa Other Wanted Persons (OWP).
Sa illegal drugs, 94 drug personalities do hadakpan ag 2,835.16 nga grams it shabu do nakumpiska.
Samtang sa kampanya kontra sa Loose Firearms, 22 ka operasyon do natabo ag 23 do arestado.
47 man nga operasyon do ginpatigayon sa Illegal Gambling ag 185 do mga arestado nga may Php 40,613.00 nga haeaga do hakumpiska.
Gintaw-an man ni Police Brigadier General Jack L Wanky, PRO6 Regional Director it pagdayaw ro tanan nga unit sa Western Visayas sa anda karang kontribusyon. // ANN DESLENE SALAZAR