KALIBO, AKLAN—Nakalista it record high sa COVID-19 cases do probinsya it Aklan sa sueod eamang it sang adlaw.
Base sa datos it Aklan Provincial Epidemiology and Surveillace Unit, 80 do nagdugang sa mga bag-ong nagpositibo sa deadly virus rasun agud nga sumaka sa 2,823 do kabilugan nga kaso it coronavirus sa Aklan humalin nga nag-umpisa do pandemiya ku Marso 2020.
Angot kara, lomobo eon sa 528 do aktibong kaso sa probinsya kung siin 466 kara do naka-facility quarantine, 18 do naka-home quarantine ag 44 do admitted sa ospital.
Samtang, padayon man nga nadugangan do mga nagmaeayad nga sa makarun hay sumaka eon sa 2,228 ag do COVID-19 related deaths hay humampak eon sa 67. // SHERRY ANNE REUNIR-VIDAL