Daywa ka eapsag sa probinsya it Iloilo ro nailistang na-infect it pertussis o whooping cough.
Ro whooping cough hay highly contagious bacterial disease nga nagatuga it grabe, indi makontrol nga ubo ag may tunog kung nagaginhawa it madaeum ro pasyente.
Bisan anong edad hay pwedeng ma-infect, pero mas delikado kung umigu sa mga unga ag eapsag.
Ro unang kaso hay ro 28 days old baby halin sa Balasan, Iloilo nga first recorded death it probinsya bangud sa pertussis o whooping cough.
Ro second case hay ro 21 days old baby halin sa Santa Barbara nga admitted makarun sa ospital sa Iloilo, City. // ANN DESLENE SALAZAR