PADAYON pa karong gihan-ay sa 19th Davao City Council ang mga probisyong gilatid sa Bicycle Ordinance aron malakip ang bicycle registration, registration fees ug uban pa nga mahaum sa kasamtangan nga panahon.
Sumala kang ni City Traffic and Transportation Management Office (CTTMO) head Dionisio Abude sa milabayng press conference nga target sa City LGU nga musubay sa safety provisions sa Traffic Code sa syudad ang mga probisyon sa ordinansa.
Matud sa opisyal nga base sa karaang 2010 bike ordinance anaa lamang sa 20 pesos ang registration ug wala nalakip ang mga penalidad apan sa 2012 Traffice Code anaa sa 150 ang annual fee ug dunay mga penalty.
Subay usab sa gisugyot nga registration fee gitakda kini sa P20.00 kung gamit sa pagpanarbaho samtang P150.00 annual fee sa mga bisekleta nga gamiton pang – commercial o negosyo.
Sumala pa nga irehistro ang bisekleta sa mga barangay nga mao unya ang musumite og datus sa buhatan apan kung ang tuyo sa paggamit niini pang-negosyo, kinahanglan nga sa CTTMO kini iparehistro.