LEGAZPI CITY – Kinumpirmar kan Philippine Fiber Industry and Development Authority (PHILFIDA) Bicol na buminaba nin 32.50% an produksyon kan abaca fiber sa rehiyon kan nakalihis na taon 2023.
Segun kay PHILFIDA Bicol Regional Director Mary Anne Molina, namatean kan mga paraoma an pagbaba kan produksyon kaini kan 2nd semester kan nasambit na taon.
An nagin rason suboot kan pagbagsak kan produksyon iyo an disinterest o dae na interesado an mga abaca farmers na mag-produce nin abaca asin bagsak man an barakalon o presyo kan abaca.
Mas orog pang namatean an padagos na pagbaba kan produksyon nin huli sa paghabo ninda sa pag-strip nin halangkaw asin mas gugustohon o pipilion ninda an magpasiring sa Metro Manila asin magtrabaho sa construction.
Sinabi pa kan opisyal, ini na an pinakamalala na naeksperyensyahan kan PHILFIDA sa pagbagsak kan presyo nin abaca kumpara sa mga nakalihis na taon.