VERY discouraging alang sa usa ka empleyado nga dili siya na-promote luyo nga qualified ug deserving siya sa pwesto.
Kini ang giklaro ni Ismael Sali usa ka HR consultant kinsa nagpadayag sa iyang personal nga panglantaw, kalabot sa nahitabo sa LGU-GenSan ug nakadayeg sa gihimo ni Maria Cora Tito, kinsa gipakigbisugan nga maangkon ang posisyon nga alang kaniya ug kini gipaboran usab sa tukmang ahensya.
Gani kung magpadayun matud pa ang pagbuot sa mayor kinsa ang ituboy, malagmit nga motrabaho na lang unya ang empleyado dili tungod sa career apan tungod sa kwarta ug kini makaapekto sa unit ug sa kinatibuk-an.
Tambag ni Sali nga kinahanglang mapatuman ang succession planning aron nga ang kinsa mang nagsunod sa labaw nga opisyal ang maoy manunod sa maong pwesto, basta kini qualified ug dili kinahanglan nga magkuha sa taga gawas sa usa ka departmento o taga gawas sa GenSan.
Alang usab kaniya ang HR ang maoy magpatuman sa promosyon tungod mandato usab nila kini ug dili lang nga matugyan ngadto sa mayor.