GIAKSYONAN ang nahitabong protesta sa Merkado publiko ning dakbayan sa Oroquieta kaniadtong adlaw’ng lunes, diin nanggawas ang mga negosyante sa gawas sa merkado og didto nangdisplay.
Kagahapon, nahinabi pag-usab sa Programang Tira Brigada ang pangulo sa Merkado nga si G. Gumer Esic, og gibutyag niini nga adunay kabag-ohan ang merkado publiko sukad sa nahitabong pagprotesta sa mga mamaligyaay o negosyante partikular na sa mga lab-asera ug lab-asero.
Matud pa, kaniadtong miaging adlaw, og karon adunay kabag-ohan, kay hinay-hinay sa pagbalik ang mga mamalitay sa sulod sa merkado gumikan sa aksyon nga gibuhat sa mga opisyales nga mitabang kanila sa pagsulbad sa problema.
Mapasalamaton ang mga negosyante sa merkado sa daling aksyon sa mga mulo o mga problema sa merkado sa Oroquieta, og nanghina-ot nga dili na kini mautro pa.(Cj Lozano)