Mas masayang bababa sa pwesto si Pangulong Rodrigo Duterte kung mayorya ng mga Filipino ay fully vaccinated na laban sa COVID-19.
Ito ang naging pahayag ng punong ehekutibo sa gitna ng mas pinalakas na vaccination drive at bumababang kaso ng virus.
Sa kanyang pre-recorded Talk to the People, sinabi ni Pangulong Duterte na tinitingnan ng gobyerno ang isang Covid-free na bansa na karamihan sa mga tao ay ganap na nabakunahan laban sa mas nakakahawang coronavirus.
Bukod sa malawakang pagbabakuna, binigyang-diin nito na ang malaking kontribusyon ng public minimum health standards sa pagbaba ng mga kaso ng Covid-19 sa bansa.
Iginiit ng Pangulo na dapat maunawaan ng mga Pilipino na narito pa rin sa bansa ang kinatatakutang sakit.