TUNGOD mibubo ang estimated income sa GenSan alang sa 2023 tungod usab sa pagkunhod sa P404 million sa National Tax Allocation alang sa syudad mahimong ‘prudent’ ang pag-allocate sa pondo.
Kini ang gibutyag ni City Budget Officer Philip John Quimosing samtang ilaha nang ipasa ang proposed 2023 budget sa Sangguniang Panlungsod aron maaprobahan.
Magpahigayon na lang og finalization meeting ug gilaumang maapas sa deadline nga October 16 aron masumite na sa Sanggunian.
Tungod mas ubos ang budget sa 2023 itandi sa kasamtangang tuig 2022, may ginahimong pamaagi ang City Budget Office aron nga matagana ang pondo alang sa mga importanteng pagagamitan.
Apan gitino ni Quimosing nga bisan sa maong pondo, magpadayun ang flagship project ni Mayor Lorelie Pacquiao, ingon man ang mga social services sama sa AKLAT, AMPING, birthday cash gift sa senior citizens ug uban pa.