ZAMBALES- Pinaalalahanan ng Philippine Statistics Authority o PSA ang publiko na walang kailangang bayaran sa pagkuha ng national ID card.
Ito ay dahil nagsimula nang makatanggap ng ID card ang marami sa mga pilipinong natapos na ang step 2 registrations.
Matatandaan, buwan pa lang ng Mayo ng matapos nang Bangko Sentral ng Pilipinas ang pag-iimprinta ng mahigit sampung libong piraso ng Philsys ID na ipinamahagi ng Philippine Postal Corporation.
Ayon kay Dulce Dionicio ng PSA Zambales, walang anumang halaga ang kailangang bayaran sa mga tauhan ng Philpost sa oras na maideliver sa mga bahay ang IDcard.// Christian Andres-BNFM OLONGAPO
