LEGAZPI CITY – Sinairarom sa maigot na assessment an mga personahes kan Public Safety Office (PSO) Daraga na babasehan kan saindang renewal para sa masunod na taon.
Segun kay Daraga PSO Chief Vicente Naira, pinaagi an mga ini sa assessment, panel interview asin evaluation, kun sain iniling digdi an mga accomplishment asin an mismong ugali.
An mga judges hale sa pa sa PNP, HRO asin kan office of the Mayor.
Dugang pa niya, kawsa suboot ini kan mga nareresibeng mga reklamo kan saindnag opisina manungod sa mga gawi kan nagkapira sa saindang pwersa.
Sa ngunyan, kun dai na suboot ma-renew an mga dating mga personahes, pwedesir na ining mapalitan kan mga bagong aplikante.