Mainit nga ginbatun sa 19th Sangguniang Panlalawigan of Aklan, ro daywa ka bag ong miyembro it provincial legislative body pagkatapos it 2023 Barangay ag Sangguniang Kabataan Elections.
Nag assume si Honorable Edmundo M. Tolentino, Jr. it Altavas, Aklan it anang posisyon bilang ex-officio member it 19th Sangguniang Panlalawigan nga naga representa sa Panlalawigang Pederasyon it mga Sangguniang Kabataan ku December 4, 2023 sa 19th SP’s 67th Regular Session.
Si Hon. Tolentino hay magaserbi man bilang Chairman of the Committee on Youth and the Committee on Women and Family Welfare, kamana man bilang miyembro it Committee on Sports Development, Committee on Oversight, ag Committee on Labor and Employment.
Nag assume man it anang posisyon si Honorable Ralf A. Tolosa it Malay, Aklan bilang ex-officio member it 19th Sangguniang Panlalawigan nga naga-representa sa Liga ng mga Barangay ag magaserbi bilang Chairman of the Committee on Barangay Affairs ag miyembro it Committee on Games and Amusement, Committee on Good Government and Public Accountability, ag Committee on Internal Ethics, Privileges, and Discipline. // ANN DESLENE SALAZAR