GISUGDAN na ang psycho social evaluation sa 11-anyos nga bata nga nakakita sa insidente nga panaglalis sa iyang amahan nga si Tommy Landao ug sa usa ka pulis nga misangko sa pagpamusil.
Segun ni Jocelyn Arzaga, sa CSWD-GenSan sa ilang assessment sa bata, grabe ang kahadlok niini apan gipaniguro ngadto sa bata nga dakong buhi ang papa niini ug magpadayun ang ilang paghatag og interventions.
Segun ni Arzaga nga mulongtad sa unom hangtud usa ka tuig ang ginahimong interventions aron makalingkawas ang bata sa trauma ug mabalik ang confidence niini.
Hugot usab gipasalamatan sa amahan sa bata ang tambag kaniya sa Brigada nga ipailalom kini sa evaluation human sa maong insidente.
May kalabutan sa maong insidente,gikumpirma ni Police Major Rissa Hernaez, tigpamaba sa General Santos City Police Office nga gi-relieve sa Pendatun PNP si Police Master Sergeant Bruce John Gabano ug gibalhin una sa City Mobile Force Company samtang gihimo ang imbestigasyon.
Dugang ni Hernaez nga gimando usab ni Police Col.Gilberto Tuzon, city PNP Director sa GenSan ang pagpailalom kang Buduan sa drug test tungod sa nakita nga lihok niini sa video.
Sa karon gibutyag ni Tommy Landao, nga ginatigom pa nila ang mga angayang ebidensya ug dokumento ug desisyunan pa ang pagduso og kaso batok sa pulis.
