Public transport apektado usab sa no Sunday movement

DAKO ang epekto sa transport sector sa no Sunday movement, apan kinahanglan ang gamayng sakripisyo alang sa kaayohan sa tanan.

Segun ni Robert Cang, chairman sa Public Transport Alliance of GenSan kun PTAG nga subay sa E.O 22, walay biyahe ang public transport hinungdan nga dako ang malugi kanila labi pa sa mga coop nga gabayad og loan sa bangko.

Gipanghinaut ni Cang nga unta dili na magdugay pa ang no Sunday movement tungod apektado na usab sila sa gipasayo nga curfew hour ug pagsirado sa pipila ka bar.

Aminado kini nga kung magdugay pa ang no Sunday movement, dako ang mahimong epekto niini sa ekonomiya.

Samtang gibutyag usab ni Cang nga nagpasa na sila og mga pangalan sa mga drivers nga mabakunahan tungod sa priority list apil sila sa A4, sunod sa mga may comorbidities.