PULIS GIREKLAMO NAGPABUTO OG ARMAS, NAKUHAAN OG VIDEO

GI-RELIEVE ug gibutag sa holding area ang usa ka pulis sa Pendatun Police Station human gireklamo nga nagpabuto og armas ngadto sa usa ka sibilyan human sa panaglalis sa gikaingong vehicular accident.

Giila ang maong pulis kang Police Master Sergeant Bruce John Dakano Bunoan  ug ang reklamante nailhan kang Tommy Landao.

Sa programang Di Pwede Yan, gipadangat ni Landao ang insidente nga nahitabo alas 8 pasado sa gabii niadtong Lunes, Abril 26 sa Purok 17, Brgy. Mabuhay intersection sa NGCP.

Ang anak ni Landao nga lalaki ang unang nakalalis sa pulis ug mirespondi lang ang amahan nga si Landao ug kini ang maoy nakakomprontahi sa pulis nga hubog daw niadtong tungura.

Nasumbagan ni Landao si Bunoan nga sa sinugdanan wala niya nasayran nga pulis hangtud mibalos usab ang pulis pinaagi sa pagpabuto sa iyang pusil.

Nasanggang ni Landao ang pusil ug wala kini maigo samtang gibutyag sa anak niini nga natuokan usab siya sa pulis ug gisagpa.

Alang kang Landao, iyaha pang hunahunaon kauban ang pamilya kung muduso og reklamo batok sa pulis.

Samtang gibutyag ni Police Captain Abdusalam Mamalinta, labaw sa San Isidro PNP, ilaha nang giimbestigahan ang insidente ug gipailalom sa ballistic examination ang armas sa pulis nga si Bunoan.

Sa video nga nahuptan sa pamilya Landao, gibutyag ni Mamalinta nga maayo usab kini nga ebidensya.

Anaa na usab daw sa reklamante kung mupasaka og kaso luyo nga wala kini masayod kong nag-areglohanay ang duha ka partido.

Sogyot usab ni Police Major Rissa Hernaez, tigpamaba sa GSCPO mas maayong maimbestigahan pag-ayo ang insidente aron manubag kon duna man tungod sila nga pulis, maoy anaa sa serbisyo aron proteksyunan ang mga katawhan. Sa bata nga nadungog sa video nga nagahilak tungod nakita ang insidente, tambag ni Hernaez nga maayong ipailalom kini sa pagsuta.

One thought on “PULIS GIREKLAMO NAGPABUTO OG ARMAS, NAKUHAAN OG VIDEO

Leave a Reply

Your email address will not be published. Required fields are marked *