NAIMBARGO sa kapulisan ang nagkadaiyang armas ug bala gikan sa aktibong pulis ug kanhi sakop sa PNP.
Giila ang mga dinakpan nga silang Police Staff Sergeant Abdul Gani Macadla, hamtong ang panuigon ug nadestino sa Esperanza Municipal Police Station.
Matud ni PLt.Col Alan Ladra, Regional chief sa Highway Patrol Unit (RHPU) alas-12:30 sa hapon Biyernes nagpahigayon sila og Oplan Lambat Bitag sasakyan.
Dihang nasimplatan nila ang usa ka kotse nga nagbutang og dili otorisadong plaka ug paghunong nakita nilang wala nagsuot og seatbelt ang sakay.
Paghiling sa sakyanan, didto na nakita ang duha ka 9mm pistol; usa ka .45 kalibre sa armas; lima ka cases nga dunay nga 1,000 rounds nga bala sa M-16.
Lakip ang lima ka M-16; 44ka magazine sa maong matang sa armas ug uniporme nga gikatahapang iya sa sundalo nga gisuot ni Legawan.
Migula sa imbestigasyon nga gikan sa Sultan Kudarat ang duha apan wala na gibutyag sa mga dinakpan og asa sa GenSan dad-on ang mga kontrabando.
Butyag ni Ladra, usa kini sa rason sa hugot nilang operasyon sa kadalanan aron dili sumala pa makasulod ang mga dautang elemento sa dakbayan. (Richel Gubalani)