PADAYONG gipangeta sa kapulisan ang usa ka lalaki human nakasibat sa operasyon apan naimbargo ang halos P20,000 kantidad sa shabu.
Matud ni Police Capt. Ari Noel Cardos, hepe sa Bula Police Station wala sa iyang panimalay si alyas ‘Sajib’ dihang gihimo ang pagpangronda.
Apan gihimong sa pagpangronda sa balay niini sa Sarif Mucsin, Barangay Baluan, GenSan naimbargo ang 2.8 gramo sa gituohang shabu. Dugang ni Cardos, gironda nila si Sajib bitbit ang search warrant gikan sa korte human nakadawat og reklamo sa kanunay nga pagpangahasi niini bitbit ang pusil. Luyo niini, ipasaka sa kapulisan karong adlawa ang kasong dunay kalabutan sa gidiling droga batok sa nakasibat nga punting sa operasyon. I Richel Gubalani