GIKALIPAY ug gipasalamatan ni Chairman Rocky Serag ang bag-ong Makar Police station sa Purok Millionaire, Barangay Labangal, GenSan. Sumala niini dakong tabang nga dool na sa ilahang lugar ang presento sa kapulisan aron matud pa aduna silay kaabag sa pagbantay sa mga residente.
Daghan matud pa nga anomalya sama sa pagpangawat ang nagakahitabo sa ilahang lugar ug pinaagi sa presenya sa kapulisan maundang kini.
Nanghinaot si Chairman Serag nga magpatigbabaw ang kalinaw sa lugar ug andam matudp pa kining makigtinabangay sa kapulisan aron magbantay sa palibot. Gikinahanglan sumala pa sa katawhan sa Purok Millionaire ang tabang sa otoridad aron mahimong hapsay ang ilahang pagpamuyo. I Enamie Mogpon