Mas muhuyang pa ang pwersa sa New People’s Army homan mitahan ang 3 ka miyembro niini sa Police Regional Office 10.
Lakip sa mitahan ang 27-anyos nga si Alyas Freedom kinsa nagsilbi nga political guide, 25-anyos nga si alyas Tata kinsa usa ka supply officer ug ang 21-anyos nga si alyas Aya nga usa ka medical officer sa NPA.
Gitahan sab sa mga nahisgutan ang usa 9mm, Luger KG 9, ug M14 rifle.
Polus sakop sa Northern Central Mindanao Regional Committee nga galihok sa border area sa Bukidnon ug Lanao del Sur ang tulo ka mitahan nga NPA.
Sumala ni PNP-10 Regional Director Police Brigadier General Lawrence Coop nga ubos na ang ihap sa mga rebelde nga galihok sa rehiyon ug mapukan na kini sa padayon nilang kampanya batok sa insurhensya.
Una nang gibutyag sa usa ka Alyas Tata nga ang kakapoy, kalisod ug pakyas nga pasalig sa kadagkuan sa NPA ang hinungdan sa ilang pagbalik sa sabakan sa gobyerno.
Sa karon, gi-proseso sa PNP-Northern Mindanao ang benepisyo nga makuha sa mga mitahan nga NPA ubos sa Enhanced Comprehensive Local Integration Program sa gobyerno. -END-