Moabot na sa kapin dos-lim ka mga masinupakon sa quarantine protocols ang natala sa Davao City Police Office sukad niadtongh Sabado hangtud sa ikaduhang adlaw sa pagpailawum sa dakbayan sa Modified Enhanced Community Quarantine (MECQ).
Sumala kang DCPO director Colonel Kirby John Kraft, anaa sa 747 ang nadakpan human wala nagsoot og faceshield; 716 ang nasikop sa pagwala pagsoot og facemask; 313 ang nakalapas sa curfew; 297 sa social distancing samtang 75 ang pillion riding nag walay motorcycle barrier.
Busa pahimangno sa hepe sa publiko nga sundon kanunay ang mga regulasyon sanglit hugot gihapong nakamonitor ang mga sakop sa pagsiguro nga masunod ang mga lagda ilabi nang napailawum sa MECQ ang syudad hangtud sa Hunyo 20, 2021.
Gani sa karon moabot na sa 44 ka mga quarantine control points ang gidumala sa kapulisan ug Task Force Davao nga sagad gipangmuntar dool sa mga merkado.
Kahibaluang una na usab gibutyag sa opisyal nga planong dugangan ang kasamtangang ihap sa mga quarantine control points aron makontrola ang dili mahinungdanong lihok sa mga residente. BNFM-DAVAO
