Hindi pa rin daw nakapagdedesisyon si Apollo Quiboloy kung personal siyang haharap sa mga pagdinig ng Senado at Kamara.
Ito ay sa gitna ng mga inisyung subpoena ng dalawang kapulungan ng Kongreso laban sa televangelist.
Sa isang panayam – sinabi ng kaniyang legal counsel na si Atty. Ferdinand Topacio na ‘di pa rin daw nakapagpapasiya si Quiboloy.
Sa kabila niyan – bukas pa rin umano ang komunikasyon kay Quiboloy.
Bago ito – una nang sinabi ni Senate Committee on Women Chairperson Senadora Risa Hontiveros na hindi pa rin niya tatanggapin sa darating na pagdinig ang abogado ni Quiboloy bilang representante niya.
Sabi ng Senadora – si Quiboloy lang ang pupuwedeng sumagot sa mga akusasyon laban sa kanya kaya marapat lang na siya ang humarap.