Ipatuman na sa tibook nasud ang Revitalized Police sa Brgy nga programa sa Police Regional Office 11 pinasikad sa direktiba ni DILG Sec Eduardo Ano.
Kini human gipresentar ang konsepto sa maong proyekto ni PBGEN FILMORE B ESCOBAL ngadto sa kalihim ug ubang senior officials sa hanay sa PNP ug AFP sa Camp Crame, Quezon City niadtong Nov 10, adlawng Byernes.
Giila sa kalihim ang maong programa isip “Masterpiece Dish” nga mahinungdanon aron tapuson ang Local communist armed conflict ayha mahuman ang termino ni PRRD.
Sumala ni Ano, halangdon ang maong inisyatiba ug konsepto nga gilusad sa PRO Xl niadtong Enero sa milabayng tuig .
Gumikan niini, iyang girekomenda nga sundugon usab kini sa tibook nasud.
Nagtoo si PBGEN ESCOBAL nga pinaagi niini mapadali ang paningkamot sa gobierno aron matapos na ang recruitment activities sa Criminal Terrorist Groups.
Naglaum si Escobal nga sama sa PRO Xl, ang tibook nasud makatagamtam sa binipisyo sa mga sirbisyo ug mga programa nga hatud sa R-PSB ngadto sa mga GIGAS barangays.