Magsasagawa ng random check ang Metropolitan Manila Development Authority (MMDA) sa unang araw ng Pebrero.
Ito’y laban sa mga kolorum na mga pampasaherong jeep o mga sasakyan na hindi pa nakapag-consolidate bilang pagsunod sa panuntunan ng Land Transportation Franchising and Regulatory Board (LTFRB).
Paliwanag ni MMDA Acting Chairman Romando Artes, titiketan nila ang mga pumapasadang hindi nakapag-consolidate at maaari ring i-impound ang mga sasakyan.
Ayon kay Artes, ‘random’ lamang ang gagawing pag-check sa mga dokumento ng mga drivers upang hindi naman ito magdulot ng abala sa mga commuters at iba pang motorista.