LEGAZPI CITY – Sa karsel an bagsak kan pigkokonsiderar na Rank 10 most wanted person kan Bicol Region na may apat na p unto nin kasong pagbabalgar sa Anti-Child Pornography Act na may kinaraman sa panlulugos.
Naarestar an akusadong si alyas “Jig” sa Sitio Alon, Brgy. San Vicente, Banga, South Cotabato sa paagi kan pinagsarong esfuerso kan Camalig MPS, RACU5 asin iba pang unit sa South Cotabato.
Nagluluwas sa imbestigasyon na duwang taon nang nagtatago an akusado sa ley.
Wara man nin piyansang nirekomendar an korte para sa nasambit na mga kaso.
Sa ngunyan, paramientras ining nasa kamot kan Banga MPS para sa dokumentasyon asin magkakanigong disposisyon.