LEGAZPI CITY – Arestado sa Brgy. Manggahan, Pasig City, Metro Manila an pigkokonsiderar na Rank No. 9 Regional Most Wanted Person kan Bicol nin huli sa mga kasong statutory rape asin child abuse.
Binisto ining si alyas “Arnel”, 28 anyos, warang agom asin residente kan Purok 4, Brgy. San Isidro, Sto. Domingo, Albay.
Nadakop ini kan mga personahe kan Sto. Domingo MPS kasabay an RIU5 sa kusog kan mandahamiento de aresto par sa duwang punto nin kasong Statutory Rape na parehong warang piyansa, asin Child Abuse na may piyansang maabot sa PHP120,000.
Nasa kustodiya na ini kan hepatura para sa magkakanigong disposisyon.